«Жюрегим сахнагъа асыры тартхандан, аны бир заманда да къояллыкъ тюйюлме» — 15 июня 2026 г. в 12:06:05.937
«Жюрегим сахнагъа асыры тартхандан, аны бир заманда да къояллыкъ тюйюлме» Къулийланы Къайсын атлы Малкъар къырал драма театрда ишлеген жаш адамланы оюнларына къарасанг, аланы оюнларын иги, сейир этерге итиниулери кёлюнгю къууандырады. Байтуугъанланы Рашитни къызы Светлана аладан бириди. Светлана Тёбен Чегемденди. Москвада актрисагъа окъуп келип, малкъар сахнада иги кесек сыфат къурагъанды. Асахмат Айларовну «Къара жин» деген комедия эм сатира оюнунда – Татлыхан – Занзибардан «къара» жашы келген Темир-Солтанны къоншусу, Токумаланы Жагъафарны «Бай келин» комедиясында Светлана анасы бай къартха берирге сюйген Мариямды, Бронислав Нушични «Философияны доктору» комедиясында – баш жигитни къызы Славкады эм дагъыда кёп башха рольла. Бюгюннгю ушагъыбыз аны бла барады. – Светлана, Малкъар театрда актёр боллукъма деген оюм къачан келгенди санга? – Гитчелигимден бери школда хар болгъан жыйылыугъа къатышып тургъанма. Назмула окъуп, тюрлю-тюрлю оюнлада билгенимча кесими кёргюзтюп, алай актриса боллукъма деб а турмай эдим. Малкъар театрны таматасы Жангуразланы Мажит бла танышханымда, манга жаланда 15 жыл бола эди. Школубузгъа келип, Москвада Щукин атлы институтха малкъар студия жыйылыу баргъанын айтхан эди. Мен да кесими сынайым, кёрейим деп умут этдим. Алай бла, окъуугъа тюшюп, аны бошап, сюйген ишим бла кюрешип башлагъанма. Ушакъны баргъаны газетде басмаланады.