Баш ышаны – жюрек халаллыкъ — 9 июня 2026 г. в 13:03:16.596
Баш ышаны – жюрек халаллыкъ Дунияда, баям, адам улуну эм къыйматлы, хурметге да тийишли ышаны – ол аны жандауурлугъуду, къатындагъылагъа себеплик тапдыра билгениди. Социал ишчини усталыгъы уа бу затла бла къысха байламлыды. Бечелланы Земжан да, Тёбен Чегемде бу ызда уруна, жамауатдан ыразылыкъ табады. Бирде биз быллай усталыкъны барлыгъын эсден чыгъарып къоя да болурбуз, алай эсе да, социал ишчиле бла ушакъ бардырыргъа тюшсе, аланы жюрек халаллыкъларына, огъурлулукъларына, сёлешгенде, ауазларыны жумушакълыкъларына окъуна сейирге къаласа. Эллерибизде, башхача айтханда уа, къатыбызда аллай инсанла болгъанларына, адамланы арасында бир бирге хатер этиу, биреуню кёлюн кётюрюу неда жапсарыу дегенча ышанланы ёз орунлары барлыгъына дагъыда бир кере кёллене, ол ышанла эм алгъа бизни миллет энчилигибиз болгъанына да къууанаса. Огъурлу социал ишчини юсюнден газетде окъургъа боллукъсуз.