«Саугъа къуру меники тюйюлдю, биргеме ишлегенлени хар бирине да берилген сыйды» — 13 июля 2026 г. в 12:23:18.490
«Саугъа къуру меники тюйюлдю, биргеме ишлегенлени хар бирине да берилген сыйды» Россейни Юстиция министерствосуну Къабарты-Малкъарда Управлениясыны таматасы Къужонланы Абдул-Керимни жашы Жантемир «Ата журтну аллында къыйыны ючюн» орденни 2-чи даражасына тийишли кёрюлгенди. Биз аны бла бу саугъаны магъанасыны, ведомствону ишини эм кёп башха затланы юслеринден ушакъ бардыргъанбыз. - Жантемир Абдул-Керимович, даражалы къырал саугъагъа тийишли кёрюлгенсиз. Ол сизге къаллай магъананы тутады? - Аны юсюнден Указгъа быйыл январьда къол салыннган эди. Кертисин айтханда, быллай даражагъа кёрюнюрме деп эсиме да келмегенди. Юстиция министерствону къыралда бёлюмлеринде билимлери, хунерлери, иш кёллюлюклери бла бу Указгъа тюшерге тийишли къуллукъчулары кёпдюле. Алай министерствону оноучулары мени тийишли кёргендиле да, алагъа ыразылыгъымы айтыргъа сюеме. Орденни аты бек сыйлыды - «Ата журтну аллында къыйыны ючюн». Алай ол манга этилген ышаныулукъду, мындан ары да къадалып ишлерге кёллендиреди. Сёзсюз, бу саугъа къуру меники тюйюлдю, ол Управленияда уруннган хар адамгъа да этилген сыйды. Эрттегилиле айтханлай, къуру кесинг аскерчи тюйюлсе. Хар адам да жеринде борчларын бийик даражада, битеу кючюн, билимин салып толтургъаны ючюн болдургъанбыз бу жетишимни. Ушакъны саулай газетде окъургъа боллукъсуз.