«Ишчи нёгерлерим бла насыбым тутханды» — 12 июля 2026 г. в 12:50:10.278
«Ишчи нёгерлерим бла насыбым тутханды» 12 июль – Почтаны кюню Черек районда почта бёлюмге башчылыкъ этген Гажонланы Асиятны урунуу жолу 1999 жылда школну бошагъанлай башланнганды. Почтада ишлей тургъанлай, экономика эм бухгалтер эсеплеу усталыкъны сайлап, Информация технология жаны бла колледжге окъургъа киргенди. Ызы бла, бийик усталыкъ билим алыргъа излеп, Шёндюгюлю гуманитар университетни да тауусханды. Мектепни энди тауусхан къыз Къашхатауда связь бёлюмде бир бири ызындан кеслерини заманларында операторну, бёлюмню башчысыны орунбасарыны, газетлеге бла журналлагъа жаздырыу жаны бла специалистни, инструкторну къуллукъларын толтургъанды. «Ишчи нёгерлерим бла да насыбым тутханды. Бир бирге хурмет, керек кюнде билеклик эте, ышана, алай ётедиле почтада кюнлерибиз. Ала барысы да ишлерин теренинден билген, уллу сынам жыйгъан адамладыла. Усталыкъ жаны бла аланы кёз алларында ёсгенме, кёп затха юйреннгенме десем, жангылмазма, аны ючюн барысына да жюрек ыразылыгъымы билдиреме», - дейди Асият. Материал газетде басмаланады. Суратда (солдан онгнга) ал тизгинде: Чеченланы Танзиля, Къулбайланы Мадина, Гажонланы Асият, Халум Бурниева. Экинчи тизгинде: Махийланы Эльвира, Къулбайланы Эльмира, Ира Магомедова.