«Саулукълу жашауну жорукълары тынчдыла – тирилик эмда тазалыкъны сакълау» — 10 июля 2026 г. в 13:55:32.854
«Саулукълу жашауну жорукълары тынчдыла – тирилик эмда тазалыкъны сакълау» Магрелланы Келимат, Жангуланланы Захатдинни къызы, Ново-Ивановское элни амбулаториясында участка врач-педиатр болуп ишлейди. Медицинагъа биринчи атламланы Черек районда этгенди, бу элде ишлегенли уа онеки жылдан аслам болады. - Келимат, асламында сизге къаллай жарсыула бла келедиле? - Амбулаторияда къагъанакъдан башлап 18-жыллыкълагъа дери медицина-санитар болушлукъ бериледи: саулукъларын алгъадан тинтиуле бардырыладыла, дарман салынады. Ангылатыу ишге да эс бурулады – ата-анала бла ушакъла бардырып, аланы кеслерин, сабийлени да саулукълу жашауну жорукъларына юйретебиз. Школлада окъуучула бла да бардырабыз дерсле: аракъы, тютюн ичиуню, наркотиклени хаталарын, ала адамны, бютюнда сабийни, саулугъуна къаллай уллу заран салгъанларын билдиребиз. Ол бек магъаналыды деп, алай къарайбыз. Шёндю электрон тютюнле кенг жайылыпдыла, бютюнда акъылбалыкъ болмагъанланы араларында. Ол да уу болгъанына тюшюндюрюрге кюрешебиз. Ушакъны саулай газетде окъургъа боллукъсуз.