«Сайлаууму сылтауларындан бири тукъумубузда кёп врачла болгъанларыды» — 10 июля 2026 г. в 13:50:45.669
«Сайлаууму сылтауларындан бири тукъумубузда кёп врачла болгъанларыды» Нальчикде «Дента мама» сабий клиникагъа келгенле, не сейири, тишлерине бакъдырыргъа къоркъмайдыла, жилямайдыла. Аны ючюн мында, не гитче затны да эсге алып, сабийле къоркъмай келирча этилгенди. Эшикден киргенлей, тюрлю-тюрлю илляула бла ойнарча мюйюшчюк барды. Жашчыкъла бла къызчыкъла, докторгъа кирир заманларын сакълай тургъунчу, алайда ойнап, жубанадыла. Аны къой, кёзю къарагъан илляуну алагъа саугъагъа бередиле. Хар зат да тазады, тизгинлиди. Бу поликлиника кёп заманны ичинде республикада жангыз эди. Бюгюнлюкде уа аны юлгюсюнде бир ненчасы ачылгъанды. Аны иеси Эфендиланы Джамиляды. Аны юсюнден жазарымы бир танышым тилегенди. «Билемисе, анда къаллай ариу тилли врачла ишлейдиле. Кёп жылланы жашайма, кёп поликлиникалада болгъанма, алай андача халны алыкъа бир жерде да кёрмегенме», - дегенди ол. Аны айтханы бла Джамилягъа тюбеп, газетни корреспонденти ушакъ этгенди, ол газетде басмаланады.