«Алтын къол» – чемерликни бла къарындашлыкъны байрамы — 24 июля 2026 г. в 13:47:01.581
«Алтын къол» – чемерликни бла къарындашлыкъны байрамы Озгъан шабат кюн, тёреде болуучусуча, Чирик кёл тийрелеринде Халкъ чыгъармачылыкъны эм къол усталыкъны тёрели халкъла аралы онунчу «Алтын къол» фестивалы баргъанды. Аны мурдорун салгъан эм айнытхан хурметли жамауат адамы, «Къайсыннга жюз атлам» фондну директору Тетууланы Хадисди. Ол Черек районну администрациясыны болушлугъу бла бу магъаналы байрамны онунчу кере къурайды. Бу жолгъу фестиваль «Алгъыш аякъ бла алгъышла» деген ат бла баргъанды. Фестивальгъа кирген жерде Ата журтну сейирлерин къоруулай, энчи аскер операциягъа къатышхан къауум жашны (Атабийланы Ахмат, Кантемир Ансоков, Сергей Еремеев) суратлары тагъылып, аланы юслеринден да жазылып эди. Аланы кёргенимде, бусагъатдагъы, келлик кюнню да мурдору болгъан эски тёреле бла жашауну жангы тарых бетлери айырылмаз бирликде жашайдыла, деп келген эди эсиме. Фестивальны юсюнден толу отчёт газетде басмаланады.