Табийгъатны байлыгъын ариулукъгъа жаратып — 31 июля 2026 г. в 14:01:47.609
Табийгъатны байлыгъын ариулукъгъа жаратып Бетни, санланы да териси сыйдам эмда ариу, бек башы уа – саулукълу болуруна къайгъыргъанла энди химиялы косметиканы къоюп, табийгъат берген байлыкъдан жарашдырылгъан кремлеге кёчедиле. Интернетде, ариулукъгъа жараулу затла сатылгъан тюкенледе «Geodemika» cosmetics фирманы кремлерин сайлагъанла ала Къабарты-Малкъарда чыгъарылгъанларын биле да болмазла. Предприятияны таматасы Екатерина Мирзоева бла Нальчикде «Креатив Элбрус» регионла аралы форумда танышхан эдик. Анга келгенлени араларында фирмада чыгъарылгъан затланы кёрмючюне сейир бютюнда уллу болгъан эди. Екатерина Валерьевна бизни бла ушакъда билдиргенича, Geodemika компания къуралгъанлы алты жылдан атлагъанды. Предприятияда адамны терисине бетинден башлап санларына дери жараулу профессионал косметика чыгъарылады. - Биз республикада жангызбыз. Къуралгъан 2019 жылда этген эсек, толу кючюбюз бла 2021 жылдан бери ишлейбиз. Заман кёп озмагъан эсе да, бизни таныйдыла. Продукциябызны Интернетде уллу тюкенледе сатабыз. Тинтиуле бардыргъанда, биз жарашдыргъан затланы адамла къайтарып алгъанларын ачыкълагъанбыз. Алыучула уа къуру бизни республикадан тюйюлдюле, къыралны битеу жерлериндендиле. Ол а чыгъаргъан затларыбыз жарагъанларына, адамла аланы сюйюп алгъанларына шагъатлыкъ этеди. Бюгюнлюкде маркетплейследе биз алчы жерледен бириндебиз, -дегенди жигер тиширыу. Материал толусунлай газетде басмаланады.