Көҙҙөң сыуаҡ көндәрендә гимназияла Салауат Юлаев ордены кавалеры, РСФСР һәм БАССР-ҙың а...
Көҙҙөң сыуаҡ көндәрендә гимназияла Салауат Юлаев ордены кавалеры, РСФСР һәм БАССР-ҙың атҡаҙанған уҡытыусыһы, бокс буйынса СССР-ҙың спорт мастеры Рәүеф Ғәзиз улы Кәримовтың иҫтәлегенә арналған еңел атлетика буйынса традицион «Көҙгө кросс» үткәрелә. Рәүеф Ғәзиз улы – гимназияла спортты үҫтереүгә ҙур өлөш индергән тренер, үҙенсәлекле методикаға эйә булған һәләтле педагог, ҡыҙыҡлы тормош юлы үткән шәхес. Матур традицияға әйләнгән сара гимназияла 2010 йылдан алып ойошторола. 19 сентябрь көнө кроста уҡыусылар менән берлектә уҡытыусылар, тәрбиәселәр, саҡырылған ҡунаҡтар әүҙем старт алды. Уҡыусылар уларҙы финишта көслө алҡыштарға күмеп ҡаршы алды. Бөтә кластар ҙа был сарала ихлас һәм дәррәү ҡатнашты. Был кросс башҡа байрамдарға ла старт булып тора. #беренселәр #брги #БРГИ1имениРамиГарипова