ГБОУ БРГИ №1 имени Рами Гарипова

Октябрь айының өсөнсө йәкшәмбеһендә Атайҙар көнө билдәләнә. Ошо уңайҙан барлыҡ ғаилә башлыҡтарын – атайҙарҙы байрам менән ихлас ҡотлайбыҙ! Халыҡта “Атайлы бала – арҡалы” тигән бик аҡыллы мәҡәл бар. Һәр балаға атайҙарына арҡаланып, иркәләнеп йәшәргә насип булһын. Ә атайҙарға балаларығыҙға ныҡлы терәк, үрнәк булып, уларҙың изгелеген күреп йәшәүегеҙҙе теләйбеҙ! Гимназиябыҙҙың 5 А класы уҡыусылары ла " Атай менән бергә" бөтә Рәсәй акцияһына ҡушыла һәм байрам менән ҡотлай! Атайлы булып үҫһен балалар, Тыныс булһын донъялар!! #брги1 #беренсе #БРГИ1имениРамиГарипова #АтайҙарКөнө

Атай һүҙҙәре ныҡ була Саҡматаш кеүек! Был турала һеҙ балалар Ҡуйығыҙ белеп. Атай кеше әйткән һүҙен Берәгәй әйтер, Ирҙәр һүҙенең ныҡлығын Атай күрһәтер... Үпкәләмәгеҙ атайға Ул бит бер генә, Ғаиләгеҙҙең янында Һаҡта гел генә... Атайҙың һөйөүө әҙ тип Борсолма юҡҡа, Әсәйең аша сағыла Ул тирә-яҡҡа. Әсәйең дә, атайың да Донъяла - берәү, Улар икеһе лә һиңә Тормошта - терәү! Фәүзиә Ҡотлогилдина.

Алтын көҙҙә матур юбилейын билдәләүсе тағын бер хөрмәтле педагогыбыҙ бар, ул Өмөтбаева Рәзилә Рамазан ҡыҙы! 65 йәш - шундай ҡәҙерле дата. Бөгөн һеҙгә ҡарап, күптәр һоҡлана. һеҙҙең кеүектәргә йәштәр ҙә, оло быуын да тартыла. Һәр ваҡыт шулай алсаҡ булып ҡалығыҙ. Сабыр, итәғәтле, ярҙамсыл булғанығыҙ өсөн балалар ҙа һеҙҙе ярата, һеҙҙең күңел йылыһы уларға ла етә, ауыр саҡтарҙа терәк булып тора. Көндәрегеҙ бүләктәргә, ҡыуаныстарға, бәхеткә тулы булһын. Ә үҙегеҙгә, ғаиләгеҙҙең бәхетен күреп, ҡыуанырға яҙһын. Тағы ла күп тапҡырҙар барлыҡ туғандарығыҙҙы юбилей кисәһенә йыйыуығыҙҙы теләйбеҙ. һәр ваҡыт шулай йәш, матур, һөйкөмлө булып, донъяны балҡытып, башҡалар күңеленә нур өҫтәп йәшәгеҙ!

2026 йылдың 8 октябрендә Фатима Мостафина исемендәге 20-се Өфө ҡала башҡорт гимназияһында тәүге тапҡыр уҡыусылар араһында ҡурайсылар конкурсы ойошторолдо. Бөтәһе 80 - дән ашыу ҡурайсы конкурста сығыш яһаны. Конкурстың жюри составында Башҡортостандың халыҡ артистары Юлай Ғәйнетдинов, Роберт Юлдашев, билдәле ҡурайсылар Вилдан Дәүләтбирҙин, Әғләм Юлгилдин һәм "Ашҡаҙар" радиоһының тауыш режиссеры Илнур Миһманов булды. Гимназиябыҙҙың 7 класс уҡыусыһы Самир Латыпов һәм 9 класс уҡыусыһы Артур Әхмәтдинов яңғыҙ башҡарыусылар араһында ll һәм lll призлы урындар яуланылар. Егеттәрҙең мәртәбәле жюри ағзалары алдында сығыш яһауы һәм юғары баһа алыуы ҙур ҡаҙаныш булып тора. Йәш ҡурайсыларҙы лайыҡлы еңеүҙәре менән ихлас ҡотлайбыҙ! Артабан да ижади уңыштар, яңы үрҙәр һәм илһам теләйбеҙ. Ҡурай байра…

+1

Башҡортостан Республикаһында Рәсәй Президентының ҡабул итеү бүлмәһендә Башҡортостан Республикаһының мәҙәниәт министры вазифаһын башҡарыусы Фәнүр Шәйхисламов менән эш осрашыуы үтте. Унда гимназиябыҙ исеменән «Беренселәр хәрәкәте»нең беренсел бүлексәһе рәйесе, 11-се класс уҡыусыһы Искәндәр Мөхәмәтйәнов, өлкән вожатый Шәүрә Хафизова , гимназиябыҙҙың 1975 йылғы сығарылыш уҡыусыһы, Башҡортостандың атҡаҙанған сәнғәт эшмәкәре, режиссер, театр һәм кино актеры Әлмирә Шәриф ҡыҙы Ҡыуатова ҡатнашты. Осрашыуҙа өс мөһим тәҡдим ҡаралды: сәнғәт эшмәкәрҙәре менән ижади осрашыуҙарҙы даими үткәреү, гимназия менән Өфө дәүләт сәнғәт институты араһында хеҙмәттәшлекте нығытыу, тәрбиәселәргә методик ярҙам күрһәтеү һәм урта звено уҡыусылары өсөн оҫталыҡ дәрестәре ойоштороу. Министр йәштәрҙең башланғыстарын хупл…

Тыуған көн — һәр кешенең тормошонда иң яҡын, иң йылы байрам. Ә юбилей — айырыуса ҡәҙерле дата. Был көндө туғандар, дуҫтар, хеҙмәттәштәр бергә йыйылып, тыуған көн эйәһен ихлас күңелдән ҡотлай. Бөгөн хөрмәтле Гөлшат Нуриәхмәт ҡыҙының матур юбилейы. Һеҙҙе 65 йәшлек матур юбилейығыҙ менән ҡайнар ҡотлайбыҙ һәм йөрәк түренән сыҡҡан барлыҡ матур теләктәребеҙҙе еткерәбеҙ. Йөрәгегеҙҙә йән тыныслығы, күңел көрлөгө юғалмаһын, тормошҡа булған һөйөүгеҙ бер ҡасан да һүнмәһен, һүрелмәһен, яңынан-яңы шатлыҡ-ҡыуаныстар өҫтәлеп, һәр көнөгөҙ һөйөнөстәр менән тулып торһон. Һаулыҡтың ныҡлыһын, бәхеттең нурлыһын, ғүмерҙең оҙонон, көндәрҙең сыуағын, шатлыҡтарҙың мөлдөрәмә тулыһын теләйбеҙ. Бөтә ғүмерегеҙҙе балаларға биргән педагог булараҡ, ихласлығығыҙ яғымлылылығыҙ менән кешеләр күңелен яулағанһығыҙ. Һәр ваҡ…