⚜️Горнай улууһун историятын сэргэхситэн көрүү: Саха Республикатын күнүгэр анаан тэрилли...
⚜️Горнай улууһун историятын сэргэхситэн көрүү: Саха Республикатын күнүгэр анаан тэриллибит тэрээһин . 🔹Муус устар 28 күнүгэр, биһиги партнербыт, Горнай улууһун муниципальнай архивын специалиһа Каитионова Сардана Семеновна, интэринээт-дьиэ олохтоохторугар Саха Республикатын күнүгэр анаан сэргэх тэрээһини ыытта. 📍Тэрээһин сүрүн соруга – Горнай улууһун историятын хаартыскалар нөҥүө билиһиннэрии, кэпсэтии. Сардана Семеновна 29 фонданы талан, урукку кэм хаартыскаларын көрдөрдө. Манна киирэллэр: 🔸Бастакы оскуола туһунан хаартыскалар: Оскуола хас сыллаахтан баар буолбутун, хас оҕо үөрэммитин, хайдах үөрэх сайдыбытын туһунан кэпсиир хаартыскалар. 🔸Библиотека историята: Библиотека хас кинигэлээҕин, хайдах сайдыбытын, кинигэ ааҕааччыларга туох суолталааҕын туһунан хаартыскалар. 🔸Бастакы үрдүк ситиһиилээх выпускниктар: Улуус сайдыытыгар улахан кылаат киллэрбит, ааттарын үйэтитэн хаалларбыт выпускниктар тустарынан хаартыскалар. 🔸Бастакы педагогическай коллектив: Оскуолаҕа үлэлээбит, оҕолору үөрэппит-такайбыт учууталлар тустарынан хаартыскалар. 🔸Бөрөлөрү вертолетунан бултааһын: Улуус айылҕатын, булт-алт историятын туһунан сэргэх хаартыскалар. 📷Бу хаартыскалар бары дириҥ ис хоһоонноохтор, улуус олоҕун, сайдыытын туһунан кэпсииллэр. Сардана Семеновна улуус историятын туһунан кэпсиирин интэринээт-дьиэ олохтоохторо бэрт интириэһиргээн, болҕойон иһиттилэр. Кинилэр хаартыскаларга көстөр дьон тустарынан, буолбут тэрээһиннэр тустарынан ыйытыылары биэрэн, кэпсэтэн, историяны кытта чугастык билистилэр. Бу курдук интириэһинэй тэрээһини тэрийбитигэр Горнай улууһун муниципальнай архивын специалиһыгар Сардана Семеновнаҕа улахан махталбытын тиэрдэбит.🤗🥰