✨Ытыктабыллаах Андрей Саввич!✨ — 6 августа 2026 г. в 14:51:08.536
✨Ытыктабыллаах Андрей Саввич!✨ 🎭Эйиэхэ РФ Бэрэсидьиэнин Ыйааҕынан РФ Үлэҕэ Дьоруойа аат иҥэриллибитинэн итиитик-истиҥник эҕэрдэлиибит, уруйдуубут, айхаллыыбыт! 🎭Ускуустуба кэрэ эйгэтигэр үрдүктэн үрдүккэ дабайан, саҥаттан саҥа саҕахтары арыйан, Олоҥхо тыйаатырын тэрийээччитэ, Саха тыйаатырын уус-уран салайааччыта, Арктикатааҕы култуура уонна ускуустуба судаарыстыбаннай институтун, Арктикатааҕы эпос уонна ускуустуба киинин олохтооччута, норуот билиммит Дуохуобунай Лиидэрэ буолан, сыралаах үлэҥ үтүө түмүктэрдээҕиттэн ис сүрэхпититтэн үөрэбит, билэбит, киэн туттабыт. 🎭Ытыктыыр, убаастыыр киҺибитигэр баҕарабыт хабараан тымныыга ымыттыбат, хахсаат тыалга хаарыйтарбат кытаанах, чэгиэн-чэбдик доруобуйаны, дьол сымсаабат амтанын, кэрэҕэ, сырдыкка уостубат умсулҕаны, эдэрдии эйэҕэс сүрэҕи, элэйбэт эрчими, бары үчүгэйи, ырааҺы-кэрэни! Ньурбатаа5ы судаарыстыбаннай көҺө сылдьар драматическай тыйаатыр кэлэктиибэ