Специальная библиотека РТ для незрячих и слабовидящих
Образование · 20 июля 2026 г.
💥Карачал — 20 июля 2026 г. в 07:55:21.593
💥Карачал Үе-шаг өскерилзе-даа, Үнелели хевээр артар. 📢Шыяан ам! Куу частың хөлү эртип, чылыг хүннер эгелээри билек, тус черниң байы чайлаанче көжери-биле хөлечиктерин айбылааш, кедээр сериин сыннар бажынче белеткени берген. Алызындан харам бай чүък чүдүрүп турган хөлечиктерин туда кадарып, сула-даа бол бир баш шимезин бичиилеп чооглап кылаштап турган. Чүък адакталып чорда, байның мээ-медерели эзирип, чер-делегей дескинип турар ышкаш базымнары турум эвес апаарга, чүрээ шакпыланып, карактары шокараңайнып эгелээн. Сергектенип алыры-биле дыт хөлегезинче углай семизин ууп чадап кылаштап бар чораан бай хая-даа көрбейн, шал-бул чулчуруп каан. – Көрдүңер бе! Ээн чуртка чүнү-даа арттырбас, боску-мойнуңар-биле чүъктү харыылаар силер. Бир эвес эт-сеп чыдып каар болза, ийи будуңарның таваңгайын дежилдир кылаштап чорааш эккээр силер. Орук ара шарыларның, тевелерниң соон көрүп чоруур силер, канчап билир чүък уштунуп чыдып каарын. Тевениң соонга чүнү-даа арттырбас силер – дээш, дыштаныр черинче семизин ууп чадап, майтаңайндыр кылаштап чорупкан. Хөлечиктер байның чүъгүнүң чүзүн-даа арттырбайн чүдүргеш, чайлагже үнүптерге, аар чүъктүг шарылар, тевелер орук ара арайында-ла чораан. Бай бажынга шимезиниң артыын аъдының кырынга ора-ла пактап каап, үргүлчү «соонда улус канчап чор ирги» дээш сагыш човап, аткаар көрүп каап чораан. Көшкен аал чер ортузу чедип, бедик сынның эдээнге келирге, харам бай эзеңгизи дыңзый берген-даа бол, медерелин, угаанын ышкынмайн, чүъгүн бодап, база катап хая көрген. Элээн топтап көрүп турарга, дистинишкен тевелер аразында бир хөлечиги доңгайгаштың-на, чүктеп алгаш чорааны барбазынче бир чүве суп каап чоруур болган. Бай иштинде элдепсинип, харам болгаш сеткилиниң дүвү аарып хөлечигинге каразыглыг боданган. Уланчылыг. Бай-Белек Монгуш “Шын” №20 2026 чылдың май 28