Пӱӱн – Хакас Республика кӱні — 3 июля 2026 г. в 02:24:55.456
Пӱӱн – Хакас Республика кӱні Хакас Республиканың аарлығ чуртағҷылары! Аарлығ чир-суғҷылар! Хакасияның Правительствозы паза Ӧӧркі Чӧбі адынаң алғыстапчабыс сірерні пістің пірге ӱлӱкӱнібіснең – Республика кӱнінең! Пӱӱл піс ол тӧстелгеннең пеер 35 чыл толчатханын таныхтапчабыс. Ол танығлығ кӱн – улуғлан парғанының, чахсы чуртапчатханының паза алнынзар ізестіг хаалапчатханының тании. Ирткен чыллар аразына Хакасия улуғ паза саблығ чол иртібіскен, позының пай тархынынзар наа киректер хозып. Піс ӧбекелерібістің кибір-чозахтарын хайраллапчабыс паза олох туста экономиканы, науканы паза культураны тилідіп, таңдағызынзар кӧрчебіс. Тӧреен чирібіске хыныс пісті піріктірче, таңдағы чидіглерге пик тӧстег полча паза чайирға кӧӧктірче. Піс поғдархапчабыс чир-суғҷыларыбыснаң – таланттығ, тоғысха кӱс паза азых кізілернең, поғдархапчабыс матырларыбыснаң – ӧнетін чаа операциязының араласчыларынаң, оларны ибзер айланарларын сағыпчабыс. Прай чӱреебіcнең сірерге паза сірернің сӧбірелеріңе пик хазых, тоозылбас-хорабас кӱс, амыр паза чахсы чуртас алғапчабыс! Полған на турада часка, удур-тӧдір пілізіс паза ис-пай ползын. Тоғызыңарда чидіглер ползын, прай сағынған сағыстарыңар тол турзын паза прай ниме чахсы ползын! Ӱлӱкӱннең! Хакас Республика кӱнінең! В.О.Коновалов, Хакасияның пазы – Хакасияның Правительство кнезі С.М.Сокол, Хакасияның Ӧӧркі Чӧп кнезі