Кыстыкка бэлэмнэнии
Кыстыкка бэлэмнэнии “Готовь сани летом” диир нуучча өһүн хоһооно. Кырдьык да, төһө да самаан сайыммыт кэрэ кэмнэрэ угуттаан турдаллар, кырыа кыһын чугаһаан истэҕэ. Кыстыгы хайдах туоруурбут бэлэмнэнииттэн тутулуктаах. I Хаҥалас нэһилиэгэр ОДьКХ тэрилтэтэ кыстыкка хайдах бэлэмнээҕин туһунан тэрилтэ салайааччыта Бубякин Николай маннык кэпсиир: «Хочуолунайга оттук үлэтэ бүппүтүн кэннэ өрөмүөн үлэтэ сайын устата ыытылынна. Онно төрдүө буолан үлэлээтибит. Бастатан туран, сиргэ сытар 700 миэтирэ курдук усталаах ититии ситимин өрө көтөхтүбүт, бүрүйдүбүт. Хочуолунай иһигэр эмиэ үлэ барда. Ол курдук, икки оһоҕу оргуйар араҥатын уларыттыбыт. Маны таһынан, техникабыт алдьанан эрэй бөҕөтүн көрсүбүппүт. Ону кэпсэтии быһыытынан, Третьяков Александр Иванович өрөмүөннээн тыраахтарбыт үлэлиир кыахтаах буолла. Чохпут тиийэр. Онон кыстыкка толорду бэлэм баар диир кыахтаахпыт.» Киин ититии хас биирдии нэһилиэккэ тыын боппуруос буолара саарбаҕа суох. Онон, хочуолунайбыт үлэтэ былаан быһыытынан баран иһэриттэн үөрэбит. Сыралаах үлэлээх хачыгаардарбытыгар күүһү-уоҕу, тулууру, кытаанах доруобуйаны баҕарабыт. 📸🖋️И.Ноговицына Өлөөкө-Күөл @ khalyma_dolgunnara @ulusmedia