Аҡъяр ауылында район мәҙәниәт йортонда урынлашҡан 3203-сө һайлау участкаһында халыҡ әүҙ...
Аҡъяр ауылында район мәҙәниәт йортонда урынлашҡан 3203-сө һайлау участкаһында халыҡ әүҙем тауыш бирә. Участка асылыу менән бында сират барлыҡҡа килде. Тәүге һайлаусылар араһында дүрт балалы Ришат һәм Дилә Фазыловтар булды. —Беҙ һәр ваҡыт бөтә ғаиләбеҙ менән һайлауға йөрөйбөҙ. Бөгөн дә эш ваҡытыбыҙ башланыр алдынан иртә менән тауыш бирҙек. Һайлауҙарҙың илебеҙ киләсәге өсөн мөһимлеген аңлаһындар, уның барышы менән яҡындан танышһындар өсөн балаларыбыҙ — өс улыбыҙ һәм бер ҡыҙыбыҙ менән бергә килдек. Иң мөһиме, илебеҙ тыныс булһын, һайлауҙар имен үтһен, һайланған депутаттар үҙ бурыстарына яуаплы ҡарап, Рәсәй граждандарының тормошон яҡшыртыуға бар көсөн һалһындар, — тигән теләктәрен еткерҙе улар.
229 просмотров