Урманнарыбызны саклау — безнең уртак бурыч. Бүген республикабызда һәм бөтен ил күләменд... — 21 июля 2026 г. в 12:58:50.738
Урманнарыбызны саклау — безнең уртак бурыч. Бүген республикабызда һәм бөтен ил күләмендә урманнарны саклау эшен «Экологик иминлек» милли проекты алып бара. Җәйге чорда янгын куркынычы аеруча зур. Урманнарда катгый рәвештә тыела: 🔹 чүп калдыру, аны яндыру яки коры үләнгә ут төртү; 🔹 янгын куркынычы булган сезонда һәм махсус җиһазландырылмаган урыннарда учак ягу; 🔹 сүндерелмәгән шырпыларны һәм төпчекләрне җиргә ыргыту; 🔹 очкын чыгара торган төзек булмаган транспорт чараларын куллану; 🔹 пиротехника куллану. ❗️ Урманда янгын куркынычсызлыгы кагыйдәләрен бозу өчен штраф каралган: • гражданнар өчен — 30 мең сумга кадәр, • юридик затлар өчен — 400 мең сумга кадәр. Әгәр дә сез урман эчендә яки урман массивлары янында янгын чыгуын күрсәгез, аны кичекмәстән түбәндәге телефоннар буенча хәбәр итегез: 📞 8-800-100-94-00 📞 8 (843) 221-37-95 📞 8 (843) 692-20-01 Барыгызны да уяу һәм сак булырга, табигатькә сакчыл карарга чакырам! Янган урман — ул зур фаҗига, ә аны саклау — һәрберебезнең изге бурычы.