Бөгөн лагерҙа «Хәүефһеҙлек көнө» үтте.

Бөгөн лагерҙа «Хәүефһеҙлек көнө» үтте. Иртән балалар йыйылып, күңелле зарядка эшләп, тәмле иртәнге аш ашағас, «Хәүефһеҙлек әлифбаһы» квестына юлландылар. Квест сиктәрендә улар станциялар буйлап йөрөнөләр, һәр станцияла төрлө биремдәр, йомактар, конкурстар һәм ҡыҙыҡлы эштәр башҡарҙылар. Балалар юл хәрәкәте ҡағиҙәләрен, янғын хәүефһеҙлеген, өйҙә һәм урамда үҙ-үҙеңде тотоу ҡағиҙәләрен хәтергә төшөрҙөләр. Бөгөнгө көндөң мөһим ҡунағы — ауыл фельдшеры Гүзәл апай Боҫҡонова — балалар менән әңгәмә-диалог үткәрҙе. Ул һаулыҡ һаҡлау, беренсе ярҙам күрһәтеү һәм көндәлек хәүефһеҙлек ҡағиҙәләре тураһында һөйләне, балаларҙың ҡыҙыҡһындырған һорауҙарына яуап бирҙе. Бындай осрашыу балалар өсөн бик файҙалы һәм иҫтәлекле булды. Артабан эш ике йүнәлештә дауам итте. Бәләкәйҙәр «Мин — йәйәүле» темаһына һүрәттәр эшләнеләр, раскраскалар буянылар, юл билдәләрен өйрәнделәр. Өлкәндәр иһә эстафетала ҡатнашып, ҡаршылыҡтар һыҙатын үттеләр — был уларҙа етеҙлекте, сыҙамлыҡты һәм командала эшләү күнекмәләрен үҫтерҙе. Бөгөнгө көн мәғлүмәткә бай, төрлө һәм файҙалы сараларға тулы булды. Балалар хәүефһеҙлек ҡағиҙәләрен уйын аша өйрәнде, ә алған белемдәре уларға көндәлек тормошта ярҙам итәсәк. #ДеньБезопасности # #АзбукаБезопасности #Квест #БезопасностьДетей #ШкольныйЛагерь #МыВБезопасности #МОБУСОШд.АБДУЛМАМБЕТОВО