«Йүрүҙән» гәзите/газета «Юрюзань»

💐 Көҙгө сәскәләр һәм йылмайыу менән: һайлаусылар участкаларҙа йылы мөхит тыуҙыра Әүҙем һайлаусылар участкаларға көҙгө сәскәләр менән килә. Сағыу гөлләмәләр, йылмайыуҙар, яҡшы кәйеф - быларҙың барыһы ла тауыш биреү мөхитен ысын мәғәнәһендә йылы, күңелле итә. Әлкә ауылынан Рәйфә Ишмөхәмәтова һайлауға сәскәләр менән килеп, уларҙы 2774-се участка рәйесе Зөлфирә Вәлиуллинаға тапшырҙы. 🌺 Бындай ҡылыҡ - бары тик иғтибар билдәһе генә түгел, ә һайлау комиссиялары эшен тәьмин итеүселәргә хөрмәт символы. УҺК ағзалары иртәнән үк урында, уларға ауылдаштарының хуплауын тойоу айырыуса мөһим. ❤️ Һайлаусыларыбыҙға әүҙем, изге, битараф булмағандары өсөн рәхмәт!

💥“Шоңҡар” үҫмерҙәр һәм йәштәр клубы ирекмәндәре Самира Атнашева (Малаяҙ башҡорт гимназияһы уҡыусыһы), Виктория Нәбиуллина һәм Яҙгөл Ғәлимова (икеһе лә 1-се Малаяҙ урта мәктәбенән) һайлау учатсткаһында “Рәхмәт” акцияһының купондарын тарата. ✅Һайлау көндәрендә республикала “Рәхмәт” акцияһы иғлан ителде. Тауыш биреүселәргә QR-кодлы купондар тапшырыла. Ул төрлө ташламалар бирә. Акция тураһында тулыраҡ ошо һылтанмала: https://рахмат2026.рф

+1

🗳️ Өлкән быуын вәкилдәре тауыш бирә 2807-се һайлау участкаһына һайлаусылар килеүен дауам итә. Улар араһында — һайлауҙарҙа ҡатнашыу күптән бурыс ҡына түгел, ә тормош принцибы һәм гражданлыҡ позицияһы булған кешеләр. 👵 Мөхәмәтйәнова Рамилә Хажи ҡыҙы, 78 йәш, участкаға һәр ваҡыттағыса тыуған яҡ киләсәге өсөн яуаплылыҡ тойғоһо менән килде. 👴 Байтуллин Раил Ғәлимулла улы, 85 йәш, ситтә ҡалманы һәм ошо уҡ участкала тауыш бирҙе. 🙏 Әүҙем тормош позицияғыҙ өсөн тәүәккәл баш эйеү! Һеҙ — йәштәр өсөн өлгө һәм районыбыҙҙың ысын терәге. Һаулыҡ, оҙон ғүмер, именлек һеҙгә!

🗳️ Һайлау бара: 2807-се участка комиссияһы составы Салауат районында һайлау дауам итә. 2807-се участкала, башҡалар кеүек үк, участка һайлау комиссияһы ағзалары эшләй. Уларҙың бурысы — һәр һайлаусы өсөн асыҡ, намыҫлы, уңайлы тауыш биреү тәьмин итеү. 📋 2807-се УҺК составы: · Рәйес: Солтанова Л.Р. · Секретарь: Хәйретдинова И.Р. · Рәйес урынбаҫары: Бакумец А.П. · Комиссия ағзалары: Аллабирдина И.И., Алкина М.М., Тумасян Д.А., Хәкимова Р.В., Шәймырҙина И.В. 👥 Комиссия кәрәкле әҙерлек үтте, ҡорамалдарҙы, һайлаусылар исемлеген тикшерҙе. Улар һәр һайлаусыға ярҙам итергә әҙер. ✅ Үҙ участкағыҙға килегеҙ, үҙ һайлауығыҙҙы яһағыҙ! Тауышығыҙ мөһим!

🗳Салауат районы хакимиәте башлығы Марс Кашапов иртә менән тауыш бирҙе. ✅Ул Малаяҙ ауылының район мәҙәниәт йортонда урынлашҡан 2807-се һайлау учатсткаһына ҡатыны Лира Әҙһәм ҡыҙы менән килде. 🇷🇺Бөгөн, 18 сентябрҙә, берҙәм тауыш биреү көнө башланды. РФ Дәүләт Думаһына һайлауҙар өс көн дауам итә. Һайлау участкалары 08.00-ҙән 20.00 сәғәткә тиклем асыҡ була.

⚡️Әлкәлә Йәғәфәровтар ғаиләһе беренсе булып тауыш бирҙе Башҡортостанда өс кимәлдәге һайлау башланды: Рәсәй Дәүләт Думаһы депутаттарын һайлау, БР Дәүләт Йыйылышы - Ҡоролтай депутатын өҫтәмә һайлау һәм муниципаль һайлау. Тауыш биреү урындағы ваҡыт буйынса иртәнге сәғәт 8-ҙән киске 8-гә тиклем үткәрелә. Әлкә ауылында 2774-се участкала беренсе булып Ирек Аҡмал улы һәм Дина Хәлил ҡыҙы Йәғәфәровтар тауыш бирҙе - уларҙы бында күптән беләләр һәм хөрмәт итәләр. Уларҙың әүҙем гражданлыҡ позицияһы - бер тапҡыр ғына яһалған эш түгел, ә тормош принцибы. 📚 Динә Хәлил ҡыҙы күп йылдар Әлкә мәктәбендә эшләне, ул - РФ-ның мәғариф алдынғыһы. Ире менән бергә өс ул тәрбиәләп үҫтерҙеләр. Быйыл уларға "Мөхәббәт һәм тоғролоҡ өсөн" миҙалы ла бирелде. 👏 Бындай ғаиләләр - ауылдың ысын терәге. Яҡташтарыбыҙ менә…