Кеше көн һайын яҡынса 20 мең аҙым эшләй. Был һан бер йылда 7 миллионға тиклем, ә 70 йыл...
Кеше көн һайын яҡынса 20 мең аҙым эшләй. Был һан бер йылда 7 миллионға тиклем, ә 70 йыл эсендә 500 миллионға барып баҫа! Тимәк, беҙ үҙ ғүмеребеҙҙә Ер шарын экватор буйлап 9 тапҡыр әйләнеп сығыр йәки Ерҙән Айға тиклем араны үтә алыр инек. * Һөйләшеүгә күпме ваҡытығыҙ китә, беләһегеҙме? Америка ғалимдарының иҫәпләүе буйынса, кеше көн һайын бер сәғәт, ә ғүмере дауамында ике йыл ярым тирәһе һөйләшә. Әгәр һөйләгәндәребеҙҙе яҙып барһаҡ, һәр береһе 400 битлек мең том килеп сығасаҡ. * Дөм ҡараңғыла бер минут торғандан һуң күҙҙең яҡтылыҡҡа һиҙгерлеге 10 тапҡыр арта, 20 минуттан һуң — 6 мең тапҡыр, ә 40 минуттан — 25 мең тапҡыр. Шуға күрә кеше төндә шәм яҡтыһын 20 саҡрым алыҫлыҡтан да күрә ала. * Кеше мейеһе 20 миллиард нервы күҙәнәктәренән тора һәм көн һайын 86 миллион бит мәғлүмәт үҙләштерергә һәләтле. Ғүмер аҙағынаса беҙҙең хәтер 100 триллион бит мәғлүмәт һаҡлай ала! * Кеше организмындағы тимер бәләкәй ҡул сәғәтенең кескәй генә бер шөрөбөн эшләргә етер ине.