Кызыл Таң / Новости Башкортостана / Яңалыклар / Kizil Tan
Новости · 22 октября 2026 г.
Башкортстан делегациясенең Үзбәкстанга эш сәфәре: төп нәтиҗәләр
Башкортстан делегациясенең Үзбәкстанга эш сәфәре: төп нәтиҗәләр Уфадан Сәмәркандка авиабәйләнешне үстерү, технопарк төзү һәм балалар хосписын ачу планлаштырыла. Уфадан Сәмәркандка барып кайту тагын да уңайлырак булачак. Башкортстан Башлыгы Радий Хәбиров белән Сәмәрканд өлкәсе хакиме Адиз Бобоев очрашуында ике шәһәр арасындагы авиабәйләнешне алга таба үстерү мәсьәләсе каралды. Башкортстан инвесторлары үз куәтләрен Үзбәкстан икътисады хисабына арттырырга ниятли. Бекабад шәһәрендә технопарк төзелешенә старт бирелде. Башкортстаннан беренче резидентлар инде паркка керергә теләк белдергән. Аларга шактый ташламалар биреләчәк. Башкортстанда коры төзелеш катнашмалары һәм буяулар җитештерә торган яңа предприятие төзү мәсьәләсе дә карала. Беренчедән, ул дөньякүләм экологик таләпләргә җавап бирергә тиеш. Икенчедән, яңа предприятие өстәмә эш урыннары булдырырга мөмкинлек бирәчәк. Әбҗәлил районында шундый ук халыкара дәрәҗәдәге предприятие уңышлы эшли инде. Сәмәркандтә балалар өчен хоспис төзи башлаячаклар. Аның концепциясе һәм проекты Уфа хосписы үрнәгендә әзерләнгән. Башкортстан белгечләре яңа учреждениенең эшен җайга салырга да ярдәм итәчәк.