Кызыл Таң / Новости Башкортостана / Яңалыклар / Kizil Tan
Новости · 4 июня 2026 г.
Башкортстан төбәкара хезмәттәшлекне ныгыта — 4 июня 2026 г. в 20:55:40.156
Башкортстан төбәкара хезмәттәшлекне ныгыта Бүген Петербург халыкара икътисади форумы мәйданчыгында Башкортстанның Русия төбәкләре белән хезмәттәшлеге турында берничә килешү имзаланды. Республика Башлыгы Радий Хәбиров һәм Херсон өлкәсе губернаторы Владимир Сальдо сәүдә-икътисади, фәнни-техник, социаль, мәдәни һәм башка өлкәләрдә хезмәттәшлек турында килешүгә кул куйдылар. Документның төп юнәлешләре - фәнни производстволарны һәм мәгълүмат технологияләрен үстерү, АПКда үзара хезмәттәшлек итү, төзелештә һәм торак-коммуналь хуҗалыкта тәҗрибә уртаклашу. Владимир Сальдо белән очрашуда Башкортстан Башлыгы билгеләп үткәнчә, махсус хәрби операциянең беренче көннәреннән үк республика Херсон өлкәсенә социаль инфраструктураны торгызуда гамәли ярдәм күрсәтә, төзелеш материаллары, медикаментлар, азык-төлек белән тәэмин итә. - Без Херсон өлкәсе территориясендә барган вакыйгаларны зур борчылу белән күзәтәбез, - диде Радий Хәбиров. - Тынычлык, һичшиксез, урнашыр дип ышанабыз. Без авыл хуҗалыгы, торак-коммуналь хуҗалык, санлаштыру һәм социаль яклау өлкәләрендәге тәҗрибә белән уртаклашырга, шулай ук төбәкнең фәнни һәм мәдәни потенциалын тергезүдә ярдәм итәргә дә әзер.