Ытыктабыллаах төрөппүттэр! — 3 мая 2026 г. в 07:18:15.620
Ытыктабыллаах төрөппүттэр! Ыам ыйа — айылҕа уһуктар, сылыйар, чэлгийэр кэрэ кэмэ. Оҕолор таһырдьа элбэҕи оонньуур, сайыны көрсөр күүтүүлээх ыйа. Ол эрээри, бу кэмҥэ араас сэрэхтээх түгэннэр эмиэ баар буолуохтарын сөп. Оҕолорбут чэгиэн-чэбдик, куттала суох буолалларын туһугар сэрэхтээх буолуу быраабылаларын өйдүөххэйиҥ. Ыам ыйын сэрэхтээх буолуутун быраабылалара: 1) Күн уотуттан уонна сылаастан харыстаныы: • Күн сардаҥата күүстээх кэмигэр (12:00-16:00 чааска) оҕону күнтэн харыстааҥ, саатар күлүккэ оонньотун. • Оҕо төбөтүгэр бэргэһэ эбэтэр панама кэтиэхтээх. • Иһэр ууну куруук бэлэм илдьэ сылдьыҥ 2) Клещ уонна үөннэр: • Ыам ыйыгар клещ уонна араас үөннэр көбөллөр. Айылҕаҕа тахсыыга (ойуурга, хонууга) оҕону сөпкө таҥыннарыҥ (уһун сиэхтээх таҥас, бэргэһэ). • Сыгынньах сир араҥатыгар сыппат буолуҥ. • Кэлэн баран оҕону бары өттүттэн бэрэбиэркэлээҥ, клещ иҥмэтин курдук. Аналлаах үөнү үүрэр эмп туттуҥ. 3) Уу объектарын таһыгар сэрэхтээх буолуу: • Өрүстэр, күөллэр муустара барар кэмэ, уу таһыма үрдүк кэмигэр оҕолору уу таһыгар соҕотохтуу хаалларымаҥ. • Уунан оонньуур кутталлааҕын, ууга түһэр түгэннэри сэрэтиҥ. Ууга түһэн былдьаныыны оҕолорго быһааран биэриҥ. 4) Суолга-иискэ сэрэхтээх буолуу: • Оҕолор таһырдьа элбэҕи оонньууллар, бэлисипиэттэринэн сүүрдэллэр. Суол быраабылаларын өйдөтүҥ. • Бэлисипиэттэринэн суол кытыытыгар эрэ сылдьалларын хааччыйыҥ, оонньууларыгар сэрэхтээх миэстэни талыҥ. 5) Айылҕаҕа уот куттала: • Ыам ыйыгар ойуур баһаара олус кутталлаах. • Оҕолоргутугар уоттан сэрэхтээх буолар наадатын быһаарыҥ. 6) Билбэт үүнээйилэр уонна отоннор: • Кыра оҕолор айылҕаҕа билбэт үүнээйилэрин, отоннорун амсайбаттарын ситиһиҥ. Сорох үүнээйилэр дьааттаах буолуохтарын сөп. 7) Дьиэ кэргэҥҥэ сэрэхтээх буолуу: • Дьиэҕэ аһаҕас түннүктэртэн, балконтэн оҕо түспэтин харыстааҥ. Түннүктэргэ анал харабыллары туруоруҥ. Төрөппүттэр, бу кэрэ кэми оҕолоргутун кытта дьоллоохтук, куттала суохтук атаараргытыгар баҕарабыт! Бэйэ-бэйэҕитин харыстаһыҥ, көрүҥ-истиҥ.