Ыам ыйын 15 күнүгэр, Дьиэ кэргэн күнүгэр, Горнай улууһун, Аһыма нэһилиэгэр «Үөрэтэр те... — 17 мая 2026 г. в 03:02:36.905
Ыам ыйын 15 күнүгэр, Дьиэ кэргэн күнүгэр, Горнай улууһун, Аһыма нэһилиэгэр «Үөрэтэр терренкур» диэн ааттаах саҥа оонньуу хонуутун үөрүүлээх арыллыыта буолла. Үөрүүлээх лиэнтэни детсаппыт геройдара – Току-Току уонна Ньээм-Ньээм быстылар. Бу оонньуу хонуута оҕо саадын капитальнай өрөмүөнүн хардары эбэһээтэлистибэлэри толоруу уонна «Үөрэтэр терренкурдар» бырайыагы олоххо киллэрии чэрчитинэн оҥоһулунна. Бырайыак сүрүн сыала-соруга – оҕо актыыбынаһын сайыннарыы, чөл туругун бөҕөргөтүү уонна билиигэ тардыһыытын күүһүрдүү буолар. Хонуу уратытынан буолар педагогтар оҕолорго эт-хаан өттунэн сөптөөх нагрузка, билиилэрин-көрүүлэрин уонна интэриэстэрин учуоттаан анал маршруттары оҥорбуттара. Хонуу сиригэр саҥа кииннэр баар буоллулар: • Чинчийэр киин «Тииҥчээн». • «Доҕордоһуу хонуута» киин. • Чэбдик киин «Тургун». • Суол быраабылаларын үөрэтэр киин. • Көрдөөх оонньуу хонуута. Спортивнай, дидактическай оонньуулары уонна чинчийэр үлэни тэрийэргэ араас дьыл кэмигэр, салгын туругар сөптөөх анал тэрил хомуллан кииннэринэн туруорулунна. Бырайыагы олоххо киллэриигэ төрөппүттэр сүрүн күүс-көмө буоллулар. Аҕалар бэйэлэрин күүстэринэн долбуурдары уонна дьааһыктары оҥордулар, ийэлэр барытын кырааскалаатылар, тупсаҕай көрүҥнээтилэр. Хас биирдии төрөппүт үлэтигэр бэйэтин уонна оҕотун ааттара суруллубут анал табличкалары ииллилэр. Бырааһынньыктааҕы тэрээһиҥҥэ оҕолор төрөппүттэрин кытта саҥа маршруттарынан хаамтылар, көрдөөх зарядканы оҥордулар уонна айылҕа матырыйаалларынан опыт ыыттылар. Бырайыагы олоххо киллэриигэ көмөлөрүн иһин бары төрөппүттэргэ дириҥ махталбытын тиэрдэбит, инникитин да ыкса сибээстээхтик улэлиэхпит диэн эрэнэбит! #Годдошкольногообразования #ГДОЯкутия