Хас биирдии күөххэ үктэнэр кэмҥэ, күн уота сырдаатаҕын аайы, айылҕа саҥардыллар. Ону кы... — 3 мая 2026 г. в 07:15:47.845
Хас биирдии күөххэ үктэнэр кэмҥэ, күн уота сырдаатаҕын аайы, айылҕа саҥардыллар. Ону кытта тэнҥэ, биһиги «Одуванчик» оҕо сааппыт үлэһиттэрэ, үтүө үгэскэ кубулуйбут субботнигы тэрийдилэр. Биир санаанан — уопсай дьыалаҕа! Бу күн, төһө да былыттаах, тыаллаах күн турдар, бары үтүө настройдаах кэлэн, оҕо саадпыт тэлгэһэтин хомуйууга көхтөөхтүк кыттыбыттара харахха быраҕыллар. Оҕолорбут туһугар — ыраас, кэрэ эйгэ! Кырачааннар оонньуур-үөрэр тэлгэһэлэрэ сааһын хаарын уутуттан ыраастанан, чэбдик салгыннанан, саҥа олоххо бэлэмнэннэ. Мас сэбирдэхтэрин мунньуу, сир араас бөҕүн хомуйуу — барыта биир сыалга туһаайылынна: оҕолорбут ыраас, кэрэ, куттала суох эйгэҕэ оонньуулларын хааччыйыы. Субботник түмүгэр, оҕо саадбыт тэлгэһэтэ тупсан, ырааһа субулла түстэ. Үлэһиттэр бары бииргэ үлэлээн, күүстэрин холбоон, улахан дьыаланы оҥорбуттарыттан астыныылаах, үөрүүлээх харахтарынан бэйэ-бэйэлэрин көрүстүлэр. Бу буолбут субботник — дьиҥнээх түмсүү, доҕордоһуу уонна оҕоҕо бэринии холобура. Кыттыбыт бары үлэһиттэргэ барҕа махталбытын тиэрдэбит! Эһиги көхтөөх кыттыыгыт оҕолорбут инники кэскиллэригэр улахан төһүү күүс буолар.