Ыам ыйын 14 күнүгэр 2026 сыллаахха, Бэрдьигэстээх сэлиэнньэтигэр "Иитээччи көмөлөһөөчч... — 17 мая 2026 г. в 03:00:06.612
Ыам ыйын 14 күнүгэр 2026 сыллаахха, Бэрдьигэстээх сэлиэнньэтигэр "Иитээччи көмөлөһөөччүтэ – 2026" диэн улуустааҕы идэлээх конкурс буолан ааста. Бу конкурс биһиги өрөспүүбүлүкэбит Биир Ньыгыл уонна Култуура сылларыгар, Горнай улууһун Доруобуйа сылыгар уонна Арассыыйа Үөрэҕирии Министиэристибэтин Оскуола иннинээҕи үөрэхтээһин сылыгар ананан ыытыллыбыта, ураты суолталааҕынан буолар. Күрэс сүрүн сыала – Иитээччи көмөлөһөөччүтүн идэтийбит маастарыстыбаларын үрдэтии, идэни тарҕатыы уонна үлэ уопутун атастаһыы. Улуус үрдүнэн 11 кыра иитээччи кыттан, бэйэлэрин сатабылларын, педагогическай философияларын уонна тус хаачыстыбаларын көрдөрдүлэр. Үлэлэринэн араас ыйытыыларга хоруйдаатылар. Биһиги уһуйаантан эдэр кэскиллээх кыыспыт Данилова Туйаара Михайловна ситиһиилээхтик кыттан I истиэпэннээх лауреат үрдүк аатын ылла. Талааннаах уонна дьулуурдаах киһибитин эҕэрдэлиибит! Күндү Туйаара Михайловна! Бу үрдүк наҕараада эйиэхэ эрэ буолбакка, Горнай улууһун бары иитээччилэригэр улахан үөрүү! Эйигин үрдүк ситиһиигинэн, күүстээх санааҕынан уонна идэҕэр бэриниигэнэн истиҥник эҕэрдэлиибит! Оҕо иитиитигэр таһаарыылаах үлэҕэр өссө да үрдүк чыпчааллары баҕарабыт! Чөл туругу, дьолу-соргуну, үүнүүнү-сайдыыны!