«Лыжный десант» диэн ааттаах үгэс буолбут тэрээһиммит үрдүк таһымнаахтык ыыттылар. — 18 апреля 2026 г. в 06:03:43.103
«Лыжный десант» диэн ааттаах үгэс буолбут тэрээһиммит үрдүк таһымнаахтык ыыттылар. Тэрээһин сүрүн чааһа — оҕолор икки бөлөҕүн икки ардыгар буолбут хайыһарынан сүүрүү. Оҕолор кыра саастарыттан спортка дьоҕурдарын көрдөрөн, иннилэрин биэрбэт дьулуурдарын биллэрдилэр. Ким эрэ түргэнинэн, ким эрэ тулуурунан атын оҕолортон хаалсыбатылар. Кыраларга 1 миэстэ Максимов Айсан, 2 миэстэ Григорьева Айыллаана, 3 миэстэ Павлова Аурика , улахаттарга 1 миэстэ Саввин Эрсан, 2 миэстэ Леонтьева Дайаана, 3 миэстэ Терентьева Мичийэ буоллулар Бу тэрээһин саамай кэрэ бэлиэтэ — төрөппүттэр күрэхтэһиилэрэ. «Оҕолорбут чэгиэн буолуохтаахтар» диэн санаанан салайтаран, ийэлэр уонна аҕалар бэйэлэрин кыахтарын, хайыһарга хаамарга үөрүйэхтэрин көрдөрдүлэр. Төрөппүт оҕотугар саамай улахан холобур буоларын бу күн өссө төгүл бигэргэттилэр. 1 миэстэ Леонтьев Илья Николаевич, 2 миэстэ Мамаев Владимир Леонидович, 3 миэстэ Леонтьева Кюннэй Николаевна. «Лыжный десант» — бу спорт эрэ буолбатах, бу дьиэ кэргэни түмэр, доруобуйаны бөҕөргөтөр үтүө тэрээһин. Бу күн бары кыттыбыт оҕолорго уонна төрөппүттэргэ махталбытын тиэрдэбит! Чэгиэн буолуҥ, чэбдик сылдьыҥ!