«Сэрэхтээх буолуҥ: Хаар уонна Муус — оҕо олоҕор» — 6 апреля 2026 г. в 08:27:47.214
«Сэрэхтээх буолуҥ: Хаар уонна Муус — оҕо олоҕор» Ытыктабыллаах төрөппүттэр! Саас кэлэн, күн сылыйан, оҕолорбут таһырдьа сүүрэр-көтөр кэмнэрэ үүннэ. Бу кэмҥэ биһиги, улахан дьон, оҕолорбут кутталга түбэспэттэрэ туһугар өссө болҕомтолоох буолуохтаахпыт. Муус — сэрэхтээх түгэн! Муус сырыыта — бу хайа да кэмҥэ олус улахан кутталлаах. Ыраахтан дьиктитик, халыҥ уонна кытаанах курдук көстүбүтүн иһин, муус аннынааҕы түгэх туруга биллибэт. Төрөппүт сүбэтэ: 1) Кэпсэтиҥ: Оҕоҕутугар хайа да мууска, хайа да ууга тахсар бобуулааҕын өйдөтүҥ. «Муус анныгар кутталлаах уу баар», — диэн чопчу этэргэ сатааҥ. 2) Харах далыгар: Оҕо таһырдьа оонньуурун кэмигэр, кини ханна баарын куруук кэтээн көрүҥ. Бэлиэ суох сиргэ, уу үөскээбит, муус тахсыбыт сиригэр оҕо сүүрэн киириэн сөп. 3) Бэлиэни билиһиннэрии: «Осторожно, лед!» диэн суруктаах бэлиэлэри оҕоҕутугар көрдөрүҥ. Бу – «манна тахсар кутталлаах» диэн сэрэтии буоларын быһаарыҥ. 4) Сэрэхтээх буолуу: Арай оҕо мууска түстэҕинэ — хайдах быыһыырга уонна бэйэтин хайдах тутарыгар (ыксаабакка, мууска сыыллан тахсарга) быһаарыыны судургу тылынан кэпсэтиҥ. Өйдөөҥ: Биһиги оҕолорбут — биһиги кэскилбит. Кинилэр дьоллоох олоҕу көрөллөрө, эт-хаан өттүнэн чэгиэн буолаллара биһигиттэн, төрөппүттэртэн, тутулуктаах. Сэрэхтээх буолуҥ, оҕолоргутун харыстааҥ!