Йошкар-Олам мотктен возаш ӱжыт. Рӱдолан кечыже вашеш «С праздником, Йошкар-Ола» почелам... — 17 июня 2026 г. в 09:33:20.229
Йошкар-Олам мотктен возаш ӱжыт. Рӱдолан кечыже вашеш «С праздником, Йошкар-Ола» почеламутым возымо конкурсым увертарат. Тушто 8 гыч 32 рифман почеламутым возыман. Ош стих, верлибр але мурылан возымо текстым огыт акле. Почеламут-влак рӱдолан 442 шочмо кечыжлан пӧлеклалтшаш улыт. 2026 ий Россий калык-влакын икоян улмо идалыкышт, садлан пашаште Йошкар-Олаште илыше тӱрлӧ калык-влакын келшымашыштым ончыктымашым сайлан шотлат. Конкурсыш 2023 ий 1 август гыч 2026 ий 20 июль марте возымо почеламутым пуаш лиеш. Участник-влакым тӱрлӧ ийготан тӱшкаште аклат: 10-14 ий, 15-25 ий, 26-50 ий да 51 ий дечын кугурак. Конкурсыш йодмашым 20 июль марте okcentr2010@mail.ru колтыман. Ешартыш уверым Йошкар-Оласе администрацийын сайтыштыже пален налаш лиеш.
109 просмотров