Йошкар-Олаште школ-влакым капитально тӧрлат. — 17 июня 2026 г. в 06:15:12.811
Йошкар-Олаште школ-влакым капитально тӧрлат. Тушто кайыме пашам туныктыш да шанче министр Лариса Ревуцкая аклен. Пашам «Молодежь и дети» нацпроект да партийын калык программыже дене ыштат. Йошкар-Оласе 23-шо номеран школышто палемдыме паша гыч 62% шуктеныт. Тушто леведышын гидроизоляцийже гыч тӱҥалын у инженер сеть марте ыштат. Кызыт пырдыжым да туврашым тӧремдат, керамогранитым шарат да зданий кӧргым чиялтат. 16-шо номеран школышто пырдыжым штукатуритлаш ямдылат. Пашаеҥ-влак канализаций да вентиляций системым уэмдат, радиаторым вераҥдат, у омсам шындат. Тушто палемдыме паша гыч 55% шуктеныт. 14-ше номеран гимназийым посна дизайн-проект дене тӧрлат. Тудым «Школа мечты» российысе марафон дене келшышын, Юлтехын студентше-влак ыштеныт. Кызыт отделкым ыштат да плиткым оптат. (📸 Республикысе туныктыш да шанче министерстве)