Техникум да колледжын студентше-влак «Российысе студент шошо» фестивальыште ойыртемалты... — 16 июня 2026 г. в 07:38:03.827
Техникум да колледжын студентше-влак «Российысе студент шошо» фестивальыште ойыртемалтыныт. Усталык таҥасымаш Хабаровскышто лийын. 1 степенян лауреат семын Алексей Сунгуров палемдалтын. Тудо И.Палантай лӱмеш тӱвыра да сымыктыш колледжыште тунемеш. 2-шо степенян лауреат - Анастасия Малинина, тудо «Графический дизайн, иллюстрация» виктышыште моштымашыжым ончыктен. Ӱдыр «Политехник» колледжыште шинчымашым пога. Палантай лӱмеш тӱвыра да сымыктыш колледжын студентше Далья Белова калык йӱлам аралымаште спецприз дене палемдалтын. (📸 Республикысе туныктыш да шанче министерствын лаштыкше гыч налме)
196 просмотров