Мемнан кундем социал газификаций шотышто президент программым шуктымо дене ончылно. — 24 июля 2026 г. в 14:03:04.363
Мемнан кундем социал газификаций шотышто президент программым шуктымо дене ончылно. Тидын нерген регион вуйлатыше Юрий Зайцев шке мессенджерлаштыже возен. Газ пучым йодмашым возышо-влак гыч 11 тӱжем утла участке марте шупшыныт, 10 тӱжем утла еҥын пӧртышкыжӧ канде тулым пуртеныт. 2025 ийыште 2600 пӧртыш газым пуртымо. Марий Элыште сад товариществылашкат канде тулым пуртат. Мутлан, Йошкар-Олаште «Мир» СНТ-ште 5 километр наре кужытышто газ пучым шупшыныт, икымше пӧртыш канде тулым пуртымо. Тиде паша Россий Президентын кӱштымашыже дене догазификаций программе дене шукталтеш. Участкын чекше марте газым яра пуртат. Льгот категорий граждан-влаклан оборудованийым налаш компенсацийым ойырат. Тиде паша ончыкыжымат шуйна, тачылан республикын индеш сад товариществыш газым технически пурташ лиеш.