Йошкар-Олаште книга фестиваль лиеш. — 24 июля 2026 г. в 13:18:10.044
Йошкар-Олаште книга фестиваль лиеш. Тудым Марий книга издательстве кокымшо гана эртара. Книга пайрем 7 гыч 9 август марте Чарла Кремльыште лиеш. Мероприятий тӱвыра инициативын Президент фондын полшымыжо дене эртаралтеш. Уна-влаклан кумда программым темлат: ярмиҥга, писатель-влак дене вашлиймаш, презентаций, мастарлык-класс. 7 августышто Кремльыште «Какшан сер ӱмбалне» автор муро фестиваль лиеш, 8 августышто – «Ме икоян улына» концерт. Тудо Россий калык-влакын икоян улмо идалыкыштлан пӧлеклалтеш, тушто марий эстрада шӱдыр да фолькор коллектив-влак мастарлыкыштым ончыктат. Книга фестивальыш Татарстан, Башкортостан, Чуваший, Мордовий, Удмуртий, Коми республикыла, Кировский да Рязанский областьла, Москва да Санкт-Петербург, Минск гыч книга савыктыш-влак шке книгаштым кондат.