Кундемна мучко «Служу Отечеству» акций кышкарыште йоча-влак дене вашлиймаш-влак эртат. — 20 августа 2026 г. в 06:05:22.219
Кундемна мучко «Служу Отечеству» акций кышкарыште йоча-влак дене вашлиймаш-влак эртат. Тиде акций «Защитники Отечества» фонд да «Знание» ушем дене пырля илышыш пурталтын. Тудо «Молодёжь и дети» нацпроект кышкарыште эртаралтеш. Кушкын толшо тукымлан сарзе действийын ветеранже шке службышт, йолташышт-влакын подвигышт нерген каласкалат. Эртыше кечылаште СВО-н ветеранже-влак Иван Шарапов ден Виталий Кутюков «Пÿнчер» лагерьыш миен коштыныт, тушто йоча-влак нунын службышт да специальный сарзе операцийыште лийше оҥай случай-влак нерген йодыштыныт. «Защитники Отечества» фондын регионысо пӧлкажын вуйлатышыже Ренат Магсумов «МолодЙошка» форумыш ушнен. «Авангард» рÿдерыш чумыргышо ÿдыр-рвезе-влаклан тудо «Герой-влак – мемнан шÿмыштына» сборник дене палдарен. Ушештарена, «Служу Отечеству» акций 2024-ше ий годсек эртаралтеш, тудын кышкарыште тачысе кече марте кушкын толшо тукым дене 1300 наре вашлиймаш лийын.