Оршанка районысо администрацийыште у вуйлатышым пеҥгыдемденыт. — 19 августа 2026 г. в 15:05:10.546
Оршанка районысо администрацийыште у вуйлатышым пеҥгыдемденыт. Районысо депутат-влакын черетан сессийыштыже кок кандидатурым радамленыт. Коктынат районым вияҥдыме программышт дене палдареныт да депутат-влакын йодышыштлан вашештеныт. Тыге йÿклымаш почеш сай акым Ленар Балтаев сулен. 2002-шо ийыште Марий техник университетым тунем лекмыж деч вара тудо ятыр жап банк сферыште пашам ыштен, 2017-ше ий гыч Медведево районысо администраций вуйлатышын алмаштышыжлан тыршен, ÿмаште гын, ик жап Чуваший Респубикын ял озанлык министрын алмаштышыже лийын. Шукерте огыл тудым жаплан Оршанка район администраций вуйлатышылан шогалтеныт. Ынде депутат-влак тудын кадидатурыжым тÿрыс пеҥгыдемденыт. У вуйлатышым сайлымашке Виктер Вуйлатышын икымше алмаштышыже Евгений Курмаев, Кугыжаныш Погын Вуйлатыше Михаил Васютин да элкöргö политике министр Антон Мирабадалев миеныт.