Кодшо арнян республикына мучко 17 еҥлан пудий пижын. — 19 августа 2026 г. в 13:09:13.641
Кодшо арнян республикына мучко 17 еҥлан пудий пижын. Пудий пурымо фактым Юлсер, Провой, Параньга, Марий-Турек, Советский, Килемар да эше икмыняр районышто пеҥгыдемдыме. Эпидемий пагытым ончалаш гын, ты жапыште боррелиоз чер кум еҥлан куснен. Нунылан Медведево район да Киров кундем кумдыкышто пудий-влак пижыныт. Лабораторийыш кондымо чыла пудий гыч боррелиоз возбудителян 439 пудийым палемдыме. Ушештарена, тÿҥ шотышто пудий пÿртÿс аланыште лиймек пижеш, тыгак пытартыш жапыште сад-пакча кумдык да шÿгарлаште лийме годымат пурен. Роспортебнадзор ушештара: тендан капышкат пудий пижын гын, тудым Марий Элысе эпидемилогий да гигиене рÿдерын лабораторийышкыже экспресс-диагностикыш конден кертыда.
123 просмотров