Марий Эл Республике Запорожье кндемысе Куйбышев районлан у тунемме ий вашеш гуманитар п... — 19 августа 2026 г. в 14:02:14.028
Марий Эл Республике Запорожье кндемысе Куйбышев районлан у тунемме ий вашеш гуманитар полышым чумырен. Ты гана тиде суап пашаш тÿвыра пашеҥ-влак ушненыт. Тоштер, театр, книгагудо да колледж пашаеҥ-влак йоча-влаклан тÿрлö канцеляр сатум, усталыкым шуараш наборым, пайдале модышым, электротехникым поген колтеныт. Республикысе Тÿвыра министерствыште палемденыт: чоҥашлан тÿрлö сату, электроÿзгар да генератор-влак дене пырля Куйбышев кундемыш семÿзгар, книга да тетрадь-влакым колтымашат калыкын, поснак кушкын толшо тукымын, илышыжым саемдаш, усталык шÿлышыштым вияҥдаш да у тунемме ийыш куштылгынрак вончаш полшат. Регион вулатыше Юрий Зайцев тиде пашам моткоч кугу тÿткышыштö куча да эреак палемда: Марий Элыште гуманитар конвой-влакым чумырымаште тыглай калыкын, тÿрлö предприятийын да кугыжаныш тöнежын, сарзе действий ветеран-влакын да боец-влакын родо-тукымыштын надырышт моткоч кугу.