Волжский округышто нацпроект дене объект-влакым ыштеныт.
Волжский округышто нацпроект дене объект-влакым ыштеныт. «Инфраструктура для жизни» нацпроект дене вич тӱшка верым уэмденыт. Посна тӱткыш Кугу Отечественный сар дене кылдалтше верлан ойыралтын. Кӱсолаште сарын участникше-влаклан памятникым шотыш конденыт: тушто у стеллым вераҥденыт, обелиск ончылно площадкым келыштареныт, верым волгалтареныт. Приволжский поселкышто «Сеҥымаш аллейыште» пашам шуктеныт: тушто йолын кошташ корныш асфальтым шареныт, бордюрым келыштареныт. Тидын дене пырля спорт инфраструктурымат вияҥдат. Приволжскийыштак стадионышто «Спорт» площадкым ыштеныт. Эмеково селаште «Патриот» комплексный спорт площадкым ыштеныт. Шарача селаште стадионышто у печым ыштеныт, ынде спортсмен-влаклан шуаралташ сайрак лийын.
149 просмотров