Мемнан кундемыште «Кадры» нацпроект дене пашам темлыше рӱдер-влакым тӧрлат.
Мемнан кундемыште «Кадры» нацпроект дене пашам темлыше рӱдер-влакым тӧрлат. Нуным «Работа России» бренд дене ик семын ыштат. Сентябрь гыч Марий Турек районысо отделений у зданийыште пашам ышта. Тушто толшо-влаклан сай условий уло: пӧлем-влакым тӧрленыт, кондиционерым вераҥденыт. Йоча дене толшо-влакланат верым келыштареныт, тыгак вакансий ярмиҥга да тренинг-влакым эртараш вер уло. У Торъял районышто пашам темлыше рӱдер ынде у адрес дене верланен: Больничный урем, 1 номеран пӧрт. Тудо маломобильный граждан-влакланат йӧнан. Уэмдыме рӱдерлаште профориентацийым эрташ, тыгак бизнеслан персоналым ойыраш лиеш.
153 просмотров