Марий Элыште шӱм-вӱргорно чер лӱдыкшым шижтарыме рӱдер пашам ышташ тӱҥалын.
Марий Элыште шӱм-вӱргорно чер лӱдыкшым шижтарыме рӱдер пашам ышташ тӱҥалын. Тудым Республикысе клинический эмлымверыште ыштеныт. Тиде паша «Продолжительная и активная жизнь» нацпроект дене келшышын шукталтын. Рӱдер шӱм-вӱргорно чер лӱдыкшым иземдаш, инвалидизацийым шагалемдаш, пациент-влакын илыш качествыштым саемдаш полшышаш. Тиде рӱдерым почаш кӱлешлык лийын. Марий Элыште, Россий семынак, шӱм-вугорно патологий шукемын толеш. 2026 ийысе пелийыште чыла колымаш гыч 33% вӱр системын чержылан кӧра палдырнен. Ты радамыште икымше верыште - шӱмын ишемический черже, кокымшо - вуйдорыкын черже, кумшо верже - шӱмын гипертонический черже.
158 просмотров