Марий Эл ӱмаште 1,3 миллион туристым вашлийын.
Марий Эл ӱмаште 1,3 миллион туристым вашлийын. Тидыже 2024 ийысе показатель деч 8 процентлан шукырак. Тидын нерген ТАСС-ын интервьюштыжо регион вуйлатыше Юрий Зайцев каласкален. Регионышто инфраструктурым, транспортым, вераҥдыме шотышто концептуальный мастер-план илышыш шыҥдаралтеш. Тӱҥ кластер-влак Йошкар-Ола, Йошкар-Ола воктене, Козьмодемьянск да Красногорскийыште лийыт. Республикыште глемпинг-влакым чоҥат. Йоча туризмым да канышым вияҥдыме шотышто паша посна ышталтеш. Республикым социально-экономически вияҥдыме индивидуальный программе дене келшышын, аэропортын реконструкцийже кая. Тудо Йошкар-Ола лишнак кызытсе жаплан келшыше самолёт-влакым вашлияш тӱҥалеш. Юрино посёлкышто Шереметев замок воктене причал чоҥалтеш, Козьмодемьянскыште у причал пашам ышта.