Марий Эл Правительствын заседанийыштыже социал контрактым пеҥгыдемдыме нерген ойленыт.
Марий Эл Правительствын заседанийыштыже социал контрактым пеҥгыдемдыме нерген ойленыт. Мемнан кундемыште илыше-влак кодшо ийын 1532 социал контрактым пеҥгыдемденыт. Тышечын эн шукыжо пашам кычалме шотышто, тыгак шке пашам почаш. Тений республикыште тӱжем контрактым пеҥгыдемденыт, тышечын 496 - пашам муаш полшеныт, 382 еҥ шке пашам почын, 51 социал контракт дене озанлыкым вияҥденыт, 71 еҥ неле илыш ситуаций гыч лекташ контрактым налын. СВО участник-влаклан посна тӱткыш ойыралтеш. 1 сентябрьлан спецоперацийын 45 участникше да нунын ешышт йодмаш дене лектыныт, 35 контрактым пеҥгыдемденыт, эше кумыт шотышто каҥашат. Регион вуйлатыше Юрий Зайцев палдарен, еҥ-влаклан социал контракт нерген умылтараш кӱлеш. Таче тиде кугыжаныш полышым тыгай еҥ-влак налын кертыт, кӧн пашаже илен лекташ ситыше окса кугыт дечын шагал. 2026 ийыште тиде - 16 666 теҥге. Тений гыч спецоперацийын участникше да нунын ешышт социал контрактым налын кертыт.