«Снегурочка» балет Уфаште илыше-влаклан моткоч келшен.
«Снегурочка» балет Уфаште илыше-влаклан моткоч келшен. Башкир кугыжаныш опер да балет театрыште Эрик Сапаев лӱмеш опер да балет театрын да «Марий Эл» кугыжаныш куштышо ансмабльын коллективше «Снегурочка» балетым ончыктеныт. Тудым «Росконцертын» полшымыжо дене «Мы Россия» проект дене келшышын наҥгаеныт. Тиде калык-влакын усталык коллективыштын федерал кӱкшытан гастроль программышт. Тудо 2020 ий гыч илышыш пура. Тӱҥ шонымаш - регионлаште илыше-влакым тӱрлӧ калык-влакын хор да куштымаш тӱвырашт дене палдараш. Марий Эл Виктер вуйлатышын алмаштышыже - тӱвыра, печать да калык-влакын пашашт шотышто министр Константин Иванов палдарен, коллективым Башкортостанын рӱдолаштыже моткоч чот шокшын вашлийыныт. Тиде федерал программе дене балетым тыгак Челябинскыште, Тюменьыште, Курганыште, Нефтеюганскыште, Нижневартовскышто, Ханты-Мансийскыште ончыктат.