Оршанке районышто ото-влакын чекыштым палемдыме паша мучашлалтын.
Оршанке районышто ото-влакын чекыштым палемдыме паша мучашлалтын. Тиде сомылым Т. Евсеев лӱмеш Калыкле тоштерын, В. Васильев лӱмеш Марий шымлыше институтын шанчызыже-влак, да Юлтехын туныктышыжо-влак шуктеныт. Нуно ты кундемыште ото-влакын чекыштым ыштеныт, тыгак кумалтыш кузе эртаралтын, могай пушеҥге кушкеш, экологий шотын ойыртемжым рашемдаш тыршеныт. Тидын дечын вара отым кугыжаныш реестрыш пуртат. Отылаште шымлыме пашам мучашлымеке, шанчызе-влак кондымо материал дене пашам ышташ, тудым радамлаш тӱҥалыт. Марий Элыште кажне ийын тӱрлӧ районышто ото-влакым шымлат. Тачысе кечын кугыжаныш реестрыш 300 утла отым пуртымо. Фото: В. Васильев лӱмеш Марий шымлыше институт
78 просмотров