Йошкар-Олаште 6-шо микрорайонышто 1100 веран школым умбакыже чоҥат.
Йошкар-Олаште 6-шо микрорайонышто 1100 веран школым умбакыже чоҥат. Тудым рӱдоласе «Восточный» микрорайонышто 32-шо №-ан школын типовой проектше почеш ыштат. Чоҥышо-влак нылымше пачаш марте нӧлтеныт. Кызыт специалист-влак кокымшо пачашым петырыме пашам мучашлат да кумшо пачаште тыршат. Тидын нерген мэрийыште увертарат. Тӱжвал пырдыжым кермыч дене 70 процентлан оптымо манын палемденыт. Вашке олтымо трубопровод-влакым монтироватлаш, окна блокым шындаш да кабель ден электросиловый оборудованийым шупшаш тӱҥалыт. Школым «Инфраструктура для жизни» нацпроект почеш чоҥат, кызыт тушто палемдыме паша гыч 26 процентшым шуктеныт. Фото: hmarpravda.ru
93 просмотров