«Снегурочка» балетым Россий регионлаште шокшын вашлийыныт.
«Снегурочка» балетым Россий регионлаште шокшын вашлийыныт. Марий Эл гыч постановкым Уфа, Челябинск, Тюмень, Курган, Нефтеюганск, Нижневартовскышто шокшын вашлийыныт. Изарнян спектакльым Ханты-Мансийскыште ончыктеныт. Гастроль «Мы- Россия» федерал программын полшымыжо дене эртаралтеш. «Снегурочка» балет – тиде Эрик Сапев лӱмеш опер да балет театрын да «Марий Эл» кугыжаныш куштышо ансамбльын пырля шындыме проект, тудым Константин Иванов виктарен. Калык хореографийым Александр ден Елизавета Селивановмыт шынденыт. Петр Чайковскийын классикылан шотлалтше музыкыжо, калык куштымаш да у технологий ваш ушнат. Сӱретым искусственный интеллект полшымо дене ыштеныт.
157 просмотров