Наукым вияҥдымашке надырым пыштымыжлан да пашаште сеҥымашке шумыжлан Марий Эл Республик...
Наукым вияҥдымашке надырым пыштымыжлан да пашаште сеҥымашке шумыжлан Марий Эл Республикын Правительствыж пеленысе В.М. Васильев лӱмеш Марий шымлыше институтын «Лингвистике» направленийжын шанче пашаеҥже Андрей Валерьевич Чемышев Марий Эл Республикым Вуйлатыше Ю.Зайцевын 2026 ий 22 октябрьысе 130-шо №-ан Указше почеш «За заслуги перед Марий Эл» орденын медальже дене палемдалтеш. Ушештарена, Андрей Валерьевич интернет кумдыкышто марий йылмым шарен. 2008 ийыште марий йылме дене сайтым ыштен, мутер-влакым цифроватлымаште пашам виктерен, марла мутерым дискыште вес шанчызе-влак дене пырля луктыныт, тидлан Марий Эл Республикын Кугыжаныш премийже дене палемдалтыныт. Тыгак шке командыже дене марий йылме корпусым поген, кусарыше программым ышташ тӱҥалын, тидыже «Яндексын» марла ойлаш тӱҥалмыжлан кӱлын. Кызыт моло цифровой технологий денат пашам виктара, марий йылмым интернет кумдыкышто вияҥда.