Сентябрьыште сакыр шулдештын.
Сентябрьыште сакыр шулдештын. Тидым Маристат иктешлен. Тудын акше 2,3% волен. Тидын икмыняр амалжым палемдат: сакырлан куштымо йошкарушменым кораҥден пытареныт, тидлан сакыр шукемын. Шыже тӱҥалтыште пакчасаскалан ак волен, пареҥге, ковышта, кешыр, шоган кевытлаште шукемыныт. Нуным верысе озанлык-влакат ыштеныт, тыгак Российын кечывалвел регионлаж гычат конденыт. Тидын дене пырля шӧр сату, кондитерский изделий, чай, кофе сентябрьыште шулдештыныт.
129 просмотров