Бүген Ямаширмә «Йолдыз» бакчасында “Иң милли тәрбияче-2026” республикакүләм бәйгесенең... — 13 мая 2026 г. в 19:04:51.134
Бүген Ямаширмә «Йолдыз» бакчасында “Иң милли тәрбияче-2026” республикакүләм бәйгесенең йомгаклау өлеше узды. Әлеге бәйге Габдулла Тукай исемендәге «Арча педагогика көллияте», Биектау муниципаль районы башкарма комитетының мәгариф бүлеге муниципаль казна учреждениесе белән берлектә оештырыла. Быелгы бәйге башка елдан аермалы буларак, патриотик тәрбия бирүгә, Рәсәй Федерациясендә Рәсәй халыкларының бердәмлеге, мәктәпкәчә белем бирү елына, Татарстаныбызда Хәрби хезмәт һәм дан батырлыгы елына, герой шагыйрь Муса Җәлилнең тууына 120 ел, Габдулла Тукайның тууына 140 ел тулуга багышланды. Бәйгегә барлыгы 300 гә якын гариза кабул ителде, шулар арасыннан 23 тәрбияче 1 нче урынга лаек булып, йомгаклау турына үтте. Бүген, бакчабызга кунак булып Арча, Саба, Балтач, Теләче, Питрәч, Әгерҗе, Биектау районнарыннан җиңүчеләр җыелды. Алар “Иң милли тәрбияче” гран – прие өчен көч сынашты. Бәйгенең мөхтәрәм кунаклары Мәгарифне үстерү институтының татар теле һәм әдәбияты кафедрасы мөдире, филология фәннәре кандидаты, доцент Шәмсетдинова Рәсимә Равил кызы, мәгарифне үстерү институтының мәктәпкәчә һәм башлангыч белем бирү кафедрасының өлкән укытучысы – Мифтахетдинова Надия Равил кызы, Г. Тукай исемендәге Арча педагогия көллиятенең директоры Гарипова Гөлнара Фидәил кызы, Г. Тукай исемендәге Арча педагогия көллиятенең татар теле һәм әдәбияты укытучысы – Төхвәтуллина Әлфия Госман кызы “Иң милли тәрбияче” бәйгесенә килүче педагогларның балаларга милли белем һәм тәрбия бирү, патриотик тәрбия бирү кыйммәтләренә нигезләнгән чыгышларын тыңлап гран – прига лаек тәрбиячене сайладылар. Гран – прига Балтач муниципаль районы «Катнаш төрдәге Балтач 5 нче балалар бакчасы» тәрбиячесе Хафизова Фәридә Фирдәвес кызы лаек булды. Фәридә Фирдәвес кызына иҗади уңышлар, тагын да биек үсешләр телибез!