1649 елның 30 апреленнән Россиядә янгын күзәтчелеге көне билгеләп үтелә. Шул уңайдан ба... — 30 апреля 2026 г. в 11:28:25.697
1649 елның 30 апреленнән Россиядә янгын күзәтчелеге көне билгеләп үтелә. Шул уңайдан бакчабыз тәрбияләнүчеләре мәктәпкә экскурсиягә бардылар. Тормыш иминлеге нигезләре укытучысы Котдус Әнвәрович һәм югары сыйныф укучылары балалар өчен чын батырлык дәресе оештырдылар. Алар яшь кунакларга Россиядә янгын сагы барлыкка килү тарихы, янгынга каршы куркынычсызлык кагыйдәләрен үтәүнең мөһимлеге һәм утка чыдам костюмнар кигән кешеләрнең көн саен нинди батырлыклар башкаруы турында җентекләп сөйләделәр. Экскурсиянең иң мавыктыргыч мизгеле янгын сүндерүченең махсус киемнәрен карау булды. Тәрбияләнүчеләр аларның нәрсәдән торуын, каска һәм җылылык кайтаручы костюмның ни өчен кирәклеген белеп кенә калмадылар, ә экипировка элементларын киеп тә карый алдылар. Шатлыкның чиге юк иде! Мондый очрашулар тәрбияләнүчеләргә янгын сүндерү сагы — ул һөнәр генә түгел, ә бик экстремаль шартларда эшләү һәм шул ук вакытта башка кешеләрнең сәламәтлеге, гомере өчен гаять зур җаваплылык икәнен белделәр. Котдус Әнвәровичка һәм укучыларга кызыклы материал биргәннәре һәм мәктәпкәчә яшьтәге балалар белән актив хезмәттәшлек иткәннәре өчен рәхмәт белдерәбез! Барлык янгын сүндерү хезмәткәрләрен якынлашып килүче бәйрәм белән котлыйбыз! Сезнең хезмәт мөмкин кадәр куркынычсыз булсын.